مصادر: «الحرية والعدالة»
يطالب الداخلية
بـ دفعة إخوانية فى كلية الشرطة
المصرى اليوم الخميس كتب
يسرى البدرى
١٦/ ٢/ ٢٠١٢
كشفت مصادر مطلعة، داخل وزارة الداخلية، أن أعضاء وقيادات من حزب الحرية والعدالة، التابع لجماعة الإخوان المسلمين، طلبوا من اللواء محمد إبراهيم، وزير الداخلية، خلال جلسات الاستماع التى يعقدها مجلس الشعب حول أحداث بورسعيد، إلحاق دفعات من كليات الحقوق بكلية الشرطة، على أن يكون معظمهم من أعضاء الحزب، وتخصص لهم الوزارة ٦ شهور دراسة مكثفة فى أكاديمية الشرطة، بعدها يتخرجون كضباط
خبر
عاجل جعلنى أقف أمامه كالمخبول لا أصدق ما أراه بأُم عينى. كلام مش ممكن يكون عاقل أو يصدر من شخص عاقل....
واحد أو مجموعه تقول لوزير الداخليه فى ساعة حسابه على ما ارتكبته الوزاره فى حق
المواطنين أنهم عايزين كوته فى وزاره الداخليه.... يعى ده أسميه ايه ابتزاز ... يا
كده يا نطلّع تقرير زى الزفت, يعنى ايه الوزاره تشغل مجموعه من الإخوان عندها ...
وباقى المصريين اللى لا ينتمون للإخوان يروحوا بقى يحتلوا كليه الشرطه علشان تاخد
عيالهم كمان... وطبيعى كمان أن عاصم عبد الماجد يبقى فى يوم من الأيام مساعد وزير
الداخليه لأمن المساجد والأضرحه,, ولا بلاش الأضرحه دى علشان همَّ ناويين يهدوها
ويبنوا مكانها زوايا ونكمِّل الصوره بقى بالحزب الحاكم يغيَّر العمله ويحولها
للدينار أو الدرهم علشان الدنانير والدراهم اسلاميه والجنيه ده ابن الديك الرومى
خواجه وبعدين يبقى عندنا مساعد الوزير للأمر بالمعروف والإداره العامه للحسبه
ونكمل بناء الامبراطوريه الوهميه... ومصر يا راجل مش مهم المهم الجماعه ومبادئها
....
آدى المبادئ وإلاّ بلاش مصر ايه اللى نراعيها
المهم الحلم الأكبر _ الخلافه _ ويبقى عندنا البوليس بتاعنا والجيش بتاعنا
والدنانير والدراهم وبعدين نغزوا سنه ونحج سنه ,نغسل فيها ذنوب الغزو ونجيب السبايا
والغنايم ونبيع للعالم عبيد وملك يمين " على رأى ملك الحديث
الفرِِش الطازج.
رايحه على فين
يا مصر.. اتخطفتى ولا ايه .. وايه الفديه المطلوبه فيكى!!
يا رب استر
يا رب استر
طارق عبد الحميد
ليست هناك تعليقات:
إرسال تعليق